BAADA YA KUACHANA NA DIAMOND, PENNY AELEZEA AINA YA MWANAUME ANAYEMTAKA

 

Penniel Mwingila aka VJ Penny ambaye wengi wanamfahamu kama mpenzi wa mkali wa Bongo Flava, Diamond Platinumz ambao hivi sasa hawako pamoja, anaamini kuwa ingawa hakuna mwanaume mkamilifu, kuna sehemu yupo mkamilifu japo kwa kiasi kidogo.

 

Penny amefunguka katika mahojiano aliyofanya na mtandao wa Bongo5 kuhusu maisha yake kwa ujumla na uhusiano wake na Diamond Platinumz ambaye hivi karibuni ameonekana kurudiana na mpenzi wake wa zamani ‘Wema Sepetu’.

Msichana huyo mrembo alisema bado hajafikiria kuwa na mwanaume mwingine, “bado, si kwamba sitongozwi, wanaume wanakuja lakini najaribu…hakuna mwanaume mkamilifu, najaribu kutafuta mwanaume anayeweza kuwa mkamilifu kidogo najua yuko sehemu.”

 

Penny ambaye hivi sasa maisha yake yako kwenye spotlight akifuatiliwa na kuandikwa kila anapofanya jambo, hali iliyosababishwa na kuwa na mahusiano ya kimapenzi na Diamond, amedai kuwa anatamani arudie maisha yake ya zamani ambayo yalikuwa ni maisha ya faragha.

 

“Napenda kurejea kwenye maisha niliyokuwa nayo, it was much fun, napenda maisha yangu ya faragha.” Penny ameuambia mtandao huo.

 

Akizungumzia kuhusu kinachoendelea hivi sasa kati yake na Diamond amesema alihisi anahitaji kumpa nafasi mwimbaji huyo, na kwamba hadi sasa wawili hao wamepeana nafasi ili kila mmoja afanye mambo yake.
 

“Kama uhusisiano wowote ulivyo, kuna mwanzo na mwisho na watu wanaachana kwa sababu nyingi. Nilihisi kwamba nahitaji kumpa nafasi, wote ni vijana na wakati mwingine tunahitaji nafasi kugundua vitu vipya, kuona kipi hasa unachokihitaji katika maisha. Unajua ukimruhusu ndege afanye vitu mbalimbali then unajua kama ‘mti huu ndio unanifaa, mti huu haunifai’. Hivyo nilihisi wote tulihitaji hicho, tulihitaji space hivyo nikampa nafasi na mimi kuchukua nafasi.”

 

Amedai kuwa alipoona picha za Diamond akiwa na Wema Sepetu, alishituka kama watu wengine walivyokuwa surprised lakini alipomuuliza Diamond alimwambia walikuwa wanafanya ‘movie’. Mrembo huyo bado anaisubiri movie ya Diamond na Wema Sepetu.

 

Hata hivyo, Penny amedai kuwa mwaka huu anahitaji kujikita zaidi katika kufanya kazi yake, na kwamba anaamini utakuwa mwaka wa ushindi kwake.

Source: Bongo5.com